Blóðsuguhrollvekja....

Sjaldan hefur verið jafnmikið tilefni til að bljúgga og einmitt nú á þessum síðustu og verstu innrásartímum inn á friðhelgi míns heimilis hér í Berlínarborg.
Eftirfarandi atvik átti sér stað kl: 2:00 að Meginlandstíma síðastliðna nótt.
Ung stúlka situr í mesta sakleysi að puða við ritgerð í tölvunni sinni, ljós eru kveikt og gluggar opnir upp á gátt, úti fyrir kolniðamyrkur.....allt í einu verður stúlkan vör við hreyfingu, lítur upp og hvað haldiði að fyrir augu hafi borið ???? LEÐURBLAKA !!! Já, ég sel það sko ekki dýrara en ég keypti það í þetta sinn. Ekki nóg með að þarna væri komin lifandi blóðsuga inn á mitt heimili, heldur lét hún öllum illum látum og þóttist ég kenna að hún væri blóðþyrst..... Stúlkan varð gripin mikilli skelfingu - öskraði smá og sá sér ekki annað fært en að flýja inn í aðrar vistarverur heimilis síns á bak við luktar dyr. Nú voru góð ráð dýr. Á meðan hún hugsaði um leið til þess að hrekja mannætuna á brott, fylgdist hún með ferlíkinu út um rúðu á hurðinni - virtist það einungis verða trylltara og trylltara með hverri mínútunni. Að lokum komst stúlkan að niðurstöðu: annað hvort myndi hún leggjast til hvílu í baðkerinu og bíða uns ferlíkið ógurlega gæfist upp og héldi sig á brott. Hins vegar að taka valkyrjuna á þetta og hervæðast sveipuð stærsta handklæðinu á heimilinu og með hárspreybrúsa í hönd (skv. ráðleggingum sérlegrar björgunarsveitar frá Íslandi sem var komin í málið). Þegar svo loksins átti að láta til skarar skríða nú, þá bara var blóðsugan horfin út í niðdimma nóttina !
Með hjartað enn í buxunum og svitadropa á augabrúnum flýtti stúlkan sér að loka öllum gluggum kirfilega en verður þá skyndilega vör við hreyfingu sem varð til þess að adrenalínið náði hámarki og lá við yfirliði.

Þarna var þá bara komið eitt lítið vesælt fiðrildi í staðinn....

Góðar stundir

Brynjólfur xxx

Í nóttinni dimmu

Hér ligg ég glaðvakandi í nóttinni og bíð þess að kaffihúsið mitt opni þar sem mín bíður ilmandi heitur þykkur mjúkur latte með tvöföldum expressó................

Nú eru afleiðingar félagslegrar einangrunar farnar að láta á sér kræla. Tók kastið á risa fiðrildi sem hafði villst inn til mín - en ég meina - það var HUGES og gaf frá sér hljóð sem myndi sóma TL-Líf þyrlu. Nú, ég altso var í sakleysi mínu að labba inn á baðherbergi mitt eins stundum gerist á bestu bæjum, kveiki ljósið og áður en ég vissi var eitthvað ferlíki að ráðast á mig. Ég fríkaði út og mætti aftur inná bað vopnuð kústskafti - ég meina það verður að vera mér til málsbóta að komandi fá Íslandi, þá bara þekkir maður ekki svona ferlíki ! En ég held reyndar að blessað fiðrildið hafi panikað meira en ég því það gjörsamlega trylltist upp úr öllu valdi og byrjaði ítrekað að reyna að fremja sjálfsmorð á veggjum baðherbergis míns. Þessi elska. Það hefur að öllum líkindum tekist, því þegar ég mætti svo aftur með glas og blaðsnepil til að smeygja undir var það bara gufað upp. En stóra spörningin er hins vegar: hvar er lík þess niðurkomið ??? Eða er það kannski bara bíðandi eftir mér í felum ??? Eitt er víst, mér á ekki eftir að koma dúr á auga í nótt. Eða "nótt" - öllu heldur í fyrramálið - þar sem mér hefur tekist það afrek að umturna sólarhringnum þannig að ég leggst ekki til hvílu fyrr en í fyrsta lagi klukkan 9 á morgnana og vakna svona þetta um 5-6 á kvöldin. Hefur þetta ekki orðið til þess að bæta þá félagslegu einangrun sem ég hef komið sjálfri mér í með endalausum ritgerðarskrifum og rugli. Reyndar átti ég nokkð interessant samræður við Sýrlendingana á kebabstað hér í götunni. Tókum við tal saman og leiddust umræður okkar auðvitað út í málefni íslamskra kvenna, sem er mér afar hugleikið þessa dagana. Þeir kumpánar fullyrtu það að kjör kvenna í Sýrlandi færu mjög batnandi með tilkomu nýs yfirbjóðara sem ég man ekki hvað heitir. Og ég alveg: "Já, frábært - þannig að konur eru þá væntanlega gjaldgengar t.a.m. í pólitík etc...?" Þeir: "Já, þær mega sko alveg taka þátt - en þær bara hafa ekkert til málanna að leggja, þannig að það er algjörlega tilgangslaust fyrir þær og okkur að hleypa konum inná þetta svið ?" Bubbi: "Já, einmitt. Og af hverju hafa þær ekkert til málanna að leggja ?" Kumpánar: "Nú, þær eru svo bissí að sinna heimilsstörfum og sjá um börnin og eiginmanninn og fara á markaðinn og svona, að það er bara ekki rúm fyrir meira [alsto í hausnum á þeim eða....?]."
Já, börnin góð. Sinn er siðurinn í hverju landi.


Yfir og út og allt um kring,

Brynhildur xxx

Það er svo margt í mörgu í honum heiminum blessuðum atarna

Hafiði einhvern tímann heyrt um bréfalúgu í læstri hliðarlegu ??? Möhöhöhöhö......;)

Annars er ég búin að finna út úr því hvað 'primary subject of predication' er - af því að ég veit að þið eruð svo sjúk í að vita það - það er: Kjarni málsins (the essence of each thing ) ! Ég meina auðvitað ! Af hverju gat ég ekki fattað það fyrr !

Hér heldur svo bara áfram að vera sannkallað íslenskt sumarveður - rigning og skýjað með dass af roki þannig að ég kem til með að verða eins og lúbarinn snjóhvítur harðfiskur við heimkomu á klekann... Best að fara bara í svona sprey-tanklefa, hef heyrt að það geri góða hluti og sé svona líka gasalega 'natural' ......eða bara vera hvít.....held það bara.....já svei mér þá.......alla mína daga.....það sem manni dettur ekki hug......sel það ekki dýrara en ég keypti það.

Svo vil ég endilega koma á framfæri hugvekju dagsins: Hvernig var hægt að vera námsmaður fyrir tíma Internetsins ? Já, nei ég bara spyr !

Yfir og út og alles

Brynhildur - djók ég meina Bubbi

Í dag fór ég út í garð með basilikuna mína og leyði henni að tana sig aðeins í sólinni þar sem hún getur ekki séð sér fært um að skína á gluggann minn. Basilikan var bara mjög hress með þetta uppátæki og var orðin heltönuð þegar ég kom svo og sótti hana eftir 3 klukkustunda útiveru.
Annars steiki ég mig ekki í sólinni eins og eðlileg manneskja myndi máske gera á þessum annars síðustu og verstu rigningartímum, heldur felst steiking mín aðallega í því að vera að skrifa 20 blaðsíðna ritgerð um 'The Ultimate Subject of Predication' -sem er náttlega BARA hrezzzandi. Þökk sé Aristótelesi fyrir frumspeki sína. Amen.
Nú, svo er maður búinn að skrifa niður allsherjar megrunaráætlun sem mun koma í staðinn fyrir 'Keppnistan 2007', því sólin fór eitthvað í frí norður á bóginn og lætur lítið sem ekkert sjá sig hér á Meginlandinu um þessar mundir (nema í dag). Reyndar á ég eftir að hreinskrifa megrunarreglurnar og þess vegna teljast hliðarspor eins og 'vanillurjómabúðingur og súkkulaðikexpakki á einu kvöldi' ekki til brota á megrunarreglunum, því maður getur ekki brotið reglur sem ekki er búið að hreinskrifa, er það nokkuð ? Ég skelli mér kannski bara í að hreinskrifa þær einhvern tímann, ööhhh, bara, ...seinna.

Annars bara hhhhhrreeezzzzzzzzzzzzzzz

Ykkar einlægur,
Brynjólfur hvíti

Heil og sæl hlustendur góðir á þessum bjarta en, tjah, kalda sunnudegi...

Heilir og sælir lesendur góðir bæði til sjávar og sveita !

Enn og aftur hefur pressan á gott Böbba-blogg orðið til þess að ég læt slag standa og sletti eins og nokkrum línum hér á öldur ljósvakans.

Hefur einhver lent í því að ryksuga takkana á tölvunni sinni ? Það get sko sagt ykkur að er einkar skemmtileg dægradvöl ! Spennan sem fylgir því að heyra sogrörið sjúga í sig hvern takkann á fætur öðrum og svo spennufallið eftir að maður hefur klætt sig í bleika gúmmara og kafað ofan í ryksugupokann og dregið upp takkana er engu líkt ! Endilega tjékkið á þéssu !
Svo er líka önnur iðja sem mikið hefur verið tekin hér - svokallaður randafluguleikur. Hann felst í því að tana (=verða brúnn) sig í hinum margvíslegustu flíkum, s.s. hlýralausum bolum, hlýrabolum, hlýrum sem ná yfir axlir, hlýrum sem ná yfir háls, breiðum hlýrum, mjóum hlýrum og allt þess á milli og útkoman svíkur engan: randaflugusyndrómið er ekki lengi að láta á sér standa ! Enginn er óbarinn biskup og er leiðin í áttina að keppnistani svo sannarlega þyrnum stráð. Er Randaflugu-Böðvar til marks um það.
Annars fer nú óðum að styttast í heimför á klekann svo að ég held ég geti sagt það með nokkurri vissu að þetta verði síðasta bloggið héðan af Meginlandinu - allaveganna ef ég þekki Böðvar rétt...
Hafiði það sem allra best elskurnar mínar og ekki gleyma að flokka ruslið

Ykkar einlægur
Böðvar/Bóbó/Bubbi/Björgólfur etc...

Jæja, finnst máske einhverjum þarna úti kominn tími á smá slettu af þrasi hér á þessari minni síðu ? Maður er náttlega búinn að halda fólki í gífurlegri spennu - það eru eflaust mörg ykkar sem berið ekki barr ykkar eftir þessa löööngu bið. En nú geta allir sem betur fer á heilum sér tekið og farið að lifa eðlilegu lífi á ný. Bubbi er mættur á bloggið sitt ! já já.
eins og siður er á bloggsíðum þá er kannski best að byrja á því að telja upp svona facts um það sem á daga mína hefur drifið. Ég ætla meira að segja hafa þetta númerað - og hefst þá upptalningin:
1) Bubbi heimsótti klekann í 5 vikur þarna rétt eftir góu.
2) það var yndislegt og
3) gaman
4) svo yndislegt að
5) Bubbi fór að
6) gráta þegar hann kvaddi
7) mömmu sína og pabba
8) sem staðfestir endanlega
9) að
10) hann er dramadrottning
11) því verður ekki neitað lengur
12) nú er hann aftur kominn til
13) Berlínar

ég ætla ekki að segja meira til þess viðhalda spennunni...
þangað til næst elskurnar

Böðvar xxxx

P.S. fariði nú svo að drölla ykkur í heimsókn !!!